September 18, 2021 i Thantlang khua chung kahdohnak a cangmi ah a khalhmi turuun inn kaangmi meiphelh ding a kal lio lampi ah Sahrang 666 nih meithal in an kah I a nunnak a liammi kan Pastor Cung Biak Hum i a taan takmi chungkhar nih CDF-Thantlang ca ah $2,000 an kan hlut.
Mah lawng a si lo! Thantlang kahdohnak ruangah ralzaam dirhmun ah a dirmi Thantlang mipi ca ah $1,000 zong Pastors Fellowship sin ah an bawmh fawn.
Pastor Cung Biak Hum le a taantakmi chungkhar nan cungah kan I lawm tuk hringhran.
Nu farual hmailei nan khuasak tintuknak ah kan Biakmi Pathian nih in umpi in lam in hruai hna sehlaw a thluachuah nan chungkhar cungah ruah bang surter ko seh!
Pastor Cung Biak Hum, nan nunnak na pekmi hi Thantlang ca lawng ah a si lo bantukin Chinram ca lawng zongah a si lo. Vawlei pumpi ah dinfelnak, federal le democracy a um khawh nakding ca ah a si.
CNA/CDF nih na phu an hlam hrimhrim lai. Cu lawng si loin na thihpimi Dinfelnak, Federal le Democracy zong Kawlram nih a hmuh tiang an sining dihlak pek in an zuam lai.
Na dawt CNA/CDF nih teinak an hmuh tik ah Vanram tu in lunglawm te in na rak kan zoh te lai i, na nunnak a lakka in a liam lo zia na khalhmi Thantlang Peng mipi nih vawlei dongh tiang cinken in an phuan lai.
Ref: GTRO-Media Team
