Australia ram, Perth khuapi um Kachin kan unau Lazum Pyo Foundation nih Thantlang le Mindat Chin ralzaam hna caah tangka ting 30 leng ($3,000) a kan bawmh.
Chin ramkulh, ahlei in Thantlang le Mindat ralzaam kan unau hna caah rawl, puan, khuasik hruk ding thillum le sii ai cawknak a herh ningin kan hman lai.
October thla ah Lazum Phyo Foundation nih Myanmar Multicultural Night an tuah nak ah bawmh a kan hal caah Pi Ngun Tin Par nih a thaw taktakmi Sabuti le sapherh cu phaisa pia khat hmanh lak loin a bawmh dih hna.
Kan fale Evenie le an hawile zong nih chanthar lam in an rak lam piak hna. Pi Ngun Tin Par le Kan fale a lam mi pakhat cio nan cung ah lunglawmhnak tampi kan ngei.
Kan harnak a kan tuarpi tu Kachin kan unau Lazum Pyo Foundation cungah lunglawmhnak chim cawk lo kan ngei.
Caṭialtu: Pu Renny Ceu Lian Mang
