Nizaan January 9 ah Myanmar ralkap nih Matupi peng, Kace khua an luhhnawh i inn an duah caah inn 3 ciam dihlak in an kaang.
Zaanlei 3pm hrawngah Matupi le Zotung ramri um Hunglay khua phak lai tiva pawngah Myanmar ralkap le CDF an i kap. Tiva kam leikuang thlam vialte Myanmar ralkap nih an duah khangh dih.
Matupi peng, Kihlung khua in lam a tlaumi Myanmar ralkap pawl cu Khuangan lei ah CDF-Zotung he an i kap. Kap 2 a hliam tongmi kong cu kan thei kho rih lo.
Zahan zaan ah Mindat – Matupi lam mengtung 23 ah a riakmi Myanmar ralkap pawl le an motor 90 leng cu tu zingka ah Matupi lei ah an rat cuahmah liopi asi.
Mindat – Matupi lam thluan ah CDF-Mindat, CDF-Matupi (battalion 1) le CDF-Dai nih an pel cuahmah hna.
Ref: Matupi Revolution News
