Tial Thang cu February 11 (Ningani) zaan ah Indonesia pa Sunoto he an i ṭhua lai. ONE Championship zong nih thawng a thanh cang.
Tial Thang nih, “Tu zarh ka ṭhua lai!!! Lai pa ka Lai puan he ho fa dah ka ṭih lai! Sanfordmma ah ṭhuat ka cawnṭi hawi le ningchim nan dihlak cungah kaa lawm,” tiah thawng a thanh ve.
“Tutan i ṭhuatnak caah ka pum 100 ah 100 bak redi in aa ka timtuahtu Redmondrelyte na cungah ka lawm! February 11,” ati.
Vawleipumpi huap MMA ṭhuatnak ah Chinmi nih kan ngeihchun Tial Thang cu ONE Championship ah voi 4 aa ṭhua cang i voi 3 a tei hna. Ni kum August 27 ah voi 4nk aa ṭhua i South Korea pa nih a tei.
Tutan hi voi 5nk aa ṭhuat si lai. Hnubik aa ṭhuatmi a sungh caah biatak deuh in ṭhuat a cinh ṭheo lai i tutan cu a tei ko lai tiah ka zumh. Tial Thang le Sunoto hi an tung le rihzaan zong aa khat bak an si caah ṭih awk um leemlo.
Tu zarh Ningani zaan cu phan zokzok usih law ṭha hnga. Caan ranh khawh a si lo cu hi bantuk caan ko ah a poi khun.
