Kalay, Tahan sang sandahpiah lio ah ralkap nih an kah hna ruangah a tlaumi Salai Biak Lawm Cuang cu tuni ah aruak in an hmuh.
April 7 ahkhan ralkap nih Tahan ah sandahpiahtu pawl meithal in an kah hna i Salai Biak Lawm Cuang cu a tlau.
Fa 2 a ngeimi Salai Biak Lawm Cuan, kum 26 cu aruak in Kalay ralkap sizung ah a um tiah thawng an theih caah tu chun ah zatlang bu mawṭaw in an va lak.
A ruak cu a rawk in a nam cang tiah theih asi.
Biak Lawm Cuang hi April 7 sandahpiah lio ah ralkap nih an kah i a thimi maw si asiloah ralkap nih an tlaih hnu ah an thahmi dah si ti cu chungkhar zong nih an hngal kho lo.
A ruak cu Duwaichaung thlanhmun ah tu zaanlei ah an vui lai, tiah theih asi.
Tantakmi a fale 2 kong ruah ah tuar a har hringhran. Pathian tu nih tantakmi chungkhar umpi ko hna seh.
Ref: Chin World
