Nizaan September 16 zaan 11pm hrawngah Hakha khua, Hakhathar sang ah SAC ralkap pawl nih duh paoh in hriamnam ngan he hme he an kah caah inn tlawmpal an rawk i kum 50 hrawng simi khuami nu pakhat hliam a tong (hmanthlak).
“Kan ih hnu ah meithal thawng kan theih. A rauh hlan ah hriamnam ngan le bomb an hung tla.
“Nu pakhat hliam a tong. An inn tikholhnak khaan lei an kah caah amah zong hliam tong. Atu cu a dam cang tiah ka theih,” tiah an sang ummi pakhat nih a chim.
Atu hi Hakha cu September 4 thokin tuni tiang September 17 zingka tiang zaan fatin ngawt in SAC ralkap pawl nih hriamnam ngan he hme he khua chungah an puah peng caah inn tam ngai an hrawh piak cang hna.
Biakinn cheukhat zong an kah hrawhpiak hna.
Minung 2 hliam an tong cang.
Ref: Chin World, Chinland Guardian
