AMERICA, (The Christian Post): Liamcia kum 12 chung, US states panga lawngah, an nule nih thah an timh cang hnuah nungdam in a hung chuakmi naute hi 108 an tling.
Cu states panga hna cu: Arizona, Florida, Michigan, Minnesota le Texas an si tiah Live Action nih thanh.
Pawitu an nule nih thah timh hnuah a nungdam thanmi kong hi state tlawmpalte lawng nih an phuan tawn.
Nauthlakmi 100,000 chungah 2 hi nungdam in an chuak tawn ti si. Thah timh ko hnuah nungdam in a hung chuak thanmi an hmuh tikah an kong ah mi lung ai thleng tawn.
US ah nifatin nauthlak in thahmi naute hi 2,363 an si. Nungdam in an chuak ko nain dam thai khawhnak thazaang hi an ngei tuk hna lo.
Cu bantukin a chuak thanmi zohkhenhnak phunghram cu an ngei ko nain a tlamtling lo caah dam thai loin an thi deuh ngot. Sii lei in i zohkhenhnak ttha phunghram an ngeih lo caah thi dingin an chiah mei ko hna.
Cheukhat lebang cu an hung chuah tikah sibawite nih khan an thah thiamthiam tawn hna.
THE CHRISTIAN POST (January 9, 2021)
