Tu zaanlei sml 3:00pm ah Mindat mipi nih tonmi konghe pehtlaiin Mindat Peng Mipi Uktu Bu nih atu bantuk in a langhter.
Mindat khua chungah a ummi CDM a lut/lo, CDF ah aa tel/lo he pa paohpaoh ralkap nih an tlaih hna.
Innka baoh in innchung tiang tlaihkhihnak an tuah.
Lam in a rami ralkap pawl cu kham khawh an si ko nain vanlawng khoh 30 hrawng in hriamnam le ralkap an ratpi hna.
Kyuaktuh lei ralkap zong nih donghcat loin meithal an puah. Khua lai mipi umnak inn tiang zong hrimngan in an kah.
Ralkap pawl cu hriamngan le sniper i put in khua chungah an lut i mipi pawl cu an kah hna.
Ngakchia zong telhin an ke le lu ah hliam an pu i thlop an si lo.
Sanpiah sang cozah zung rianttuan umnak inn ah hriamngan a tla i aa hliammi an tampi.
Khua chung zongah zingka sml 7:00am in tu zaanlei 3:00pm tiang hriamngan in an kah.
Mindat khua chungah kahdohnak a fah tuk caah nu le ngakchia pawl cu ramtang ah an zaam hna.
Tu zaanlei ahkhan Matupi lei in ralkap motor 10 leng Mindat lei ah an kal. Matupi le Mindat kar ah lam a minh caah ralkap pawl nih pawngkam khua um mipi pawl cu motorcycle in porter an suai hna.
