Australia um Chin khrihfabu pakhat nih Chin Miphun Ralkap (CNF) caah dollar ting 1 ($100,000) a hlut, tiah kan theih.
Australia dollar ting 1 cu Kawlram ting thong 1 le ting 90 hrawng asi.
A hlutu khrihfabu nih min langhter a duhlo caah an khrihfabu min kan langhter lo.
Australia ram i Chinmi an tambiknak Melbourne khua nichuahlei ah a ummi khrihfabu asi.
Atu lio kan ram boruak a chiat tuk caah, kan miphun himnak le runvennak caah tiin hi zat a hlut hi si.
Na rel cang maw? CNF ralkap Salai Thang Hluk ralram ah a thi
CNF ralkap Runno (Deputy Sergeant) Salai Thang Hluk, kum 21 cu miphun rian khinhmi a ṭuan lio ralram hmun pakhat ah a thi, tiah CNF nih a thanh.
Salai Thang Hluk a thihnak hmun cu CNF nih a langhter lo, “ralram hmun pakhat ah” ti lawng a chim.
April 11 ah Myanmar ralkap nih an rak bawh hna i ruah lo piin an kah hna caah a nunnak liam hi asi.
Alu ah meithal kuan nih a khen caah chanh khawh loin a nunnak liam.
Aruak cu nizaan April 16 ah tlamtling tein an vui cang.
Salai Thang Hluk hi Dai (Chin) miphun asi.
“A dawtmi a ram le miphun caah a nunnak a pek caah CNF nih upatnak salam kan pek.
“Pathian nih tantakmi chungkhar umpi ko hna seh tiah CNF nih thla kan campiak,” tiah CNF nih ati.
