Covid-19 ruangah le khual tlawn phihkhamnak ruangah Australia Visa a hmu cang ko nain a kal kho rih lomi tampi kan um. Cu kong he pehtlai in Australia Tanzung nih theihternak an tuah.
December 15, 2021 hnu cun Australia Visa a hmu cangmi cu Khual Tlawn Khawhnak sok hau ti loin luh khawh asi. Asinain ralzaam visa aa tlaihmi cu a herhmi dang timtuah ding tete a um rih. Cu hna cu:
1. Kal ding nithla a luanmi (Initial entry expiry)
2. Ngandamnak checkmi a kum dihmi (Health check expiry)
3. ImmiCard validity
4. COVID-19 Raikham sii Chunhnak
6. Malaysia ram in chuah khawhnak nawl (Malaysian Immigration Exit Permit)
7. Kal lai thi tah (Pre-departure medical check)
8. Kal lai Covid-19 zawtnak check (Pre-departure Covid-19 test)
Ralzaam visa (refugee & humanitarian visa) a simi nih cun nanmah tein Vanlawng ticket (Air ticket) nan i cawk lo ding theih a herh ngaingai. Nanmah tein nan i cawk ahcun IOM (Internation Organization for Immigration) nih an in tawlrel piak lai lo caah a cung lei langhtermi khi nangmah tein naa tuah dih a hau. Cuccaah na tlam a tling kho lai lo.
Kal umnak kong ahcun IOM nih a caan a zaat tikah an autu hna sinah maw nangmah sinah maw thawngthanhnak an in tuah ko lai.
Australia Tanzung zong visa a hmu cangmi rianrang tein an kal khawh nakhnga IOM he i bawm in rian an tuan cuahmah peng ko.
Nan i fian lomi a um ahcun CRC zung ah hal peng khawh asi.
Siaherhnak he,
CRC Malaysia
