Tu zingka ah Mandalay ramṭhen, Bangan khuapi ah uknak firtu ralkap duhlonak a langhtertu mipi ralkap le palek nih meithal in an kah hna caah pa pakhat an khen.
Ralkap le palek nih Bagan khuapi lam nganbik a simi Bagan Lanmadaw lam cungah an bawh hna.
Mah ruangah mipi cu Pura Kalnak Lam ah an i bu hna. Mah lio cun ralkap le palek nih voi tampi an kah hna, tiah min langh a ngamh lomi khuami pakhat nih a chim.
Thiripyitsaya khuate in a rami Mg Aung Phyo Win cu a hmai ah an khen caah sii an thlop lio asi. Midang zong hliam tongmi an um len rih.
Atutiang ahcun, ralkap le palek nih an kahnak hna kuan i khairiat meithal kuan maw si asiloah kuan taktak dah asi ti fehter khawh asi rih lo. An hlat lio asi.
