Tu zingka dei hlan ah ralkap nih Yangon, South Dagon pengah rammi 1 mei in an khangh thah, tiah kan theih.
“Tu zingka ah mei khanghmi ruak cu kan hmuh. 55 le 56 lam kar ah ralkap cu dei lai 4am tiang an um. Sipin Lampi 56 zawn ah.
“Atutiang ahcun, mei khangh a tongmi a min taktak fiang tein kan hngal kho rih lo. Ralkap nih zaan khuadei meithal an puah peng caah hohmanh leng kan chuak ngam lo,” tiah South Dagon ummi pakhat nih a chim.
Nizaan zongah ralkap run tampi nih South Dagon ah mipi an thah len hna. A thimi min cazin fiang tein hngalh khawh asi rih lo.
Ref: Khit Thit Media
