Thawngpang thar: Van Bawi Thang ruak an vui can. Hliam tongmi dihlak hi minung 9 an si. An nunnak caah thinphang cu an si hna lo. Atanglei hi thil a can cuahmah lio, thawngpang a tlin hlanah kan tialmi asi.
Thantlang khua chungah Kawl Ralkap le CDF an i kap.
Mithat lai nawng Kawl Ralkap nih Thantlang khua chungah mi zapi zawnruahnak a pelte hmanh ngei loin hriam ngan le kuan tampi in an duhnak poh an kah ruangah sianginn sang um Pa Van Bawi Thang (kum 10) a nunnak a liam pinah hliamhma tuarmi minung zeimawzat an um rih.
Thantlang khuapi nih a nunnak a liammi Van Bawi Thang te chungkhar kan in ngaihchiat pi hna.
Kan nau Van Bawi Thang a thisen nih Chin ram damnak chuahter hram seh, tiah thla kan cam.
Tu zaanlei 4pm hrawngin atutiang hi Kawl Ralkap le CDF an i kap cuahmah.
A cang cuahmah liomi thil asi caah thawngpang tling le fiang in thanh khawh asi rih lo. CDF zong nih a thanh rih lo. Hnu ah tling le fiangin kan thanh than lai.
CDF le Thantlang khuami caah thlacam cio hna usih.
