Tuni chun ah Hakha palek nih tlaihmi nu 5 cu zaanlei sml 6:20pm hrawng ah an thlah tthan cang hna tiah kan theih.
Biaknak lei hruaitu upa pawl nih an va don hna.
March 19 chun sml 1:00pm hrawng ah Hakha Town rianttuan nu 3 cu palek motor ratmi an hmuh ruangah Junction Hotel chung ah an lut i an i thup.
Palek nih an luh hnawh hna i an tlaih hna. Cun, Hotel chung ah Chuncung khuami nu 2 zong an tlaihchiah hna.
![](https://thechinexpress.com/wp-content/uploads/2021/03/Hakha-1024x576.jpg)
Mino nih tlaih tongmi nu pawl thlah hna dingin an hal hna i lampi an phih dih. Ralkap le palek lei zong nih kan thlah ko hna lai tiin bia an kamhmi hna a si.
Tuni cu Hakha ah zampi lamzawh ti loin thlacamnak in Khrihfabu kip ah caan an hmang. Chun sml 12:00pm hnu in zaanlei tiang aho hmanh lengchuak loin duh lonak langhter a si.
Chun sml 12:00pm in aho hmanh leng ah an chuak ti lo. Sinain, mah lio i dawr kharmi le a ttinmi hna lak ah nu 5 hi Hakha lansone ah an tlaih hna hi a si. – Chin World