CDF-Matupi nih, “November 3 in 5 tiang ralhrang Kawl Ralkap pawl he kan i kap i 16 kan thah hna, 14 zong fak piin kan hliam hna,” tiah a chim.
October 30 ah Matupi in Paletwa lei ah a kalmi uknak firtu Kawl Ralkap pawl cu lam tantim ah November 3 in 5 tiang CDF-Matupi nih an kah hna hi si.
Matupi – Paletwa lam um khuate 7 ah ralhrang pawl nih khuami inn baoh in thil an hrawh fir piak dih hna. Inzuat saṭhil zong an thah ei piak hna. Solar le sianginn zong an hrawh i khuami inn cu duhpaoh in hriamnam ngan he hme he an kah caah sualnak ngei lo mipi 1,850 ramtang ah an zaam.
