CDF-Hakha nih ‘Kawl Ralkap he nai pehtlai ….’ tiin July 26 ah a tlaihmi Surkhua FC Father Hrang Tin Thang cu August 5 ah biakamnak 4 he a thlah cang.
CDF nih a tlaih chihmi Father Hrang Tin Thang zultu Pastor Clement Cung Hnin zong a thlah chih, tiah kan theih.
Biakamnak an tuahmi 4 cu:
- Kawl Ralkap he i pehtlaih ti lo ding
- Kawl Ralkap tender ṭuan liomi ngol ding
- Surkhua in Hakha ah ṭhial ding le
- CDF-Hakha konglam lih le hrokhrawl in chim/ṭial lo ding ti an si.
Mah pawl cu lungtlinnak minsen an thut hnu ah an thlah hna hi si.
August 1 ah CDF nih, “Kawl Ralkap nih Surkhua ah umhmun khuar an duh i Surkhua le Senthang lemsoi dingin Father Hrang Tin Thang an hman. Father Hrang Tin Than nih a bawmh hna,” tiah CDF nih a tlaihnak aruang a rak thanh.
“Father Hrang Tin Thang nih Seng Thang company a dirh i Kawl Ralkap tender zong a lak i a ṭuan cuahmah.
“CDF-Hakha Battalion 2 (Senthang) umnak lei ah a kalmi Kawl Ralkap 57 zong Surkhua le Hausen kar ah a don hna,” ati.
