October 21 ahkhan CDF-Mindat le CDF-Matupi nih ralhrang Kawl Ralkap pawl an kah hna i 5 an thah hna. Adang tampi zong CDF bomb an i lamh i hliam an tong.
CDF-Mindat le CDF-Matupi nih an kahmi Kawl Ralkap pawl hi Matupi in Mindat lei ah a kalmi an si. Mindat in Matupi lei ah tank 2 le motor 90 hrawngin a kalmi Kawl Ralkap 1,000 leng a dongtu an si.
Mindat – Matupi lam meng tung 56 ah vawlei minmi um caah tank 2 le motor 90 hrawngin Matupi lei a kalmi Kawl Ralkap pawl cu an i tap.
Kawl Ralkapp 150 hrawng in ke in an lan i Matupi lei in Kawl Ralkap tampi nih an hung don hna. A dongtu pawl hi meng tung 70 tiang an phan cang.
Kawl Ralkap pawl nih meng tung 70 pawngah ummi mipi inn pawl an hrawhpiak hna i inn chung thil vialte an firpiak dih hna.
