Kawl Ralkap le CDF (Chinland Defense Force) cu atu hi Mindat-Matupi lam ah an i kap cuahmah.
An i kahnak ni 5 hrawng asi cang i CDF nih a tlawmbik 50 paoh cu an thah cang hna.
CDF nih Kawl Ralkap 1 a nungin an tlaih.
Nizaan August 17 lawng ahkhan Kawl Ralkap 20 an thah hna i Kawl Ralkap hriamnam zong tampi an lak.
![](https://thechinexpress.com/wp-content/uploads/2021/08/228919149_10219672573830054_8717939170367671921_n.jpg)
“Nizaan i CDF he kan i kah lio ah kan lei minung tamtuk an thih caah meithal, kuan le khiangthawng pawl kan chiahta i kan zaam,” tiah CDF nih an tlaihmi Kawl Ralkap nih a chim.
CDF nih Kawl Ralkap meithal zun 6, meithal kuan pawl le hriamnam ngan kuan pawl an tlaih. An i kah cuahmah liopi asi caah CDF nih thawngpang tling a thanh rih lo.
An i kah cuahmah liopi asi caah Joshua le a ralkap hna nih ral an doh lio ah Moses le Aaron nih thlacam an bawmh hna bang, thlacam bawm cio hna usih.
August 15 ahkhan a sung tukmi Kawl Ralkap pawl nih Mindat-Matupi lam mengtung 16 lamton ah ummi Chinmi inn 2 mei in an khanghpiak hna.
![](https://thechinexpress.com/wp-content/uploads/2021/08/236462995_1275074362929907_4520955307902053487_n.jpg)
![](https://thechinexpress.com/wp-content/uploads/2021/08/228989461_1275074396263237_1882393646318552234_n.jpg)
![](https://thechinexpress.com/wp-content/uploads/2021/08/231512764_1275074356263241_7117007190522435219_n.jpg)