Nizaan October 8 zingka 5-6am ah ram firtu Kawl Ralkap le ram dawtu CDF-Thantlang miralṭha hna cu zaamtakmi Thantlang khua chung ah an i do.
“Ralhrang ralkap 1 kan thah. Kanmah CDF-Thantlang lei cu hliam tongmi kan um lo,” tiah CDF nih thawng a thanh.
“Ralkap cozah saltang ralkap le palik pawl, mipi sin ṭan nan duh ahcun CDF-Thantlang nih lunglawm tein kan in cohlan hna lai i a himnak hmun tiang kan in thlah hna lai,” tiah zawnruahnak he thawng a thanh chih hna.
Kha hlan pipu chan in atutiang minung 10,000 hrawng nih kan hlumhmi ‘sui’ Thantlang khua cu an zaamtak dih cang.
Kan pawcawmnak dawr thil le inn zuat saṭhil vialte cu Kawl Ralkap nih duhpaoh in an thah ei hna.
Inn 20 leng an kan khangh piak cang. Kan pastor Cung Biak Hum telh in khuami tampi an kan thah.
CNA biachimtu Salai Htet Ni nih, “Inn tampi kan sung cang, kan miphun harnak kan tong lawlaw cang. Tutan cu hnulei kir loin tei tiangin kan doh lawlaw cang hna lai. Tutan hi dothlennak a donghnak si cang seh, kan tei lawlaw cang hna lai,” ati.
