Tu zaanlei 1pm hrawngah Thantlang khua chungah ralhrang Kawl Ralkap le CDF-Thantlang an i kap.
“Kan ral minung 2 kan thah hna. Kanmah CDF-Thantlang lei cu hliam tongmi kan um lo,” tiah CDF-Thantlang nih thawngthanh.
Kawl Ralkap nih hriamnam ngan he, hme he an ruahnak in an duhnak paoh an kah thluahmah caah khuami inn tampi an khen rawk i mipi 4 hliam an tong.
“Inn 1 zong uico Kawl Ralkap pawl nih mei in an duah hrawh,” tiah CDF-Thantlang nih a thanh. An duahmi inn cu Biakinn sang, Thlanmual lam ah ummi asi.
“Ralhrang Kawl Ralkap nih Thantlang mipi an tlerhkhonh hna chung le zaanṭim khuamang ah khualtung cazin an koh hna chung paoh cu CDF-Thantlang nih an hram bongh tiangin kan doh peng hna lai,” tiah CDF-Thantlan nih ralrin a pek hna.
