Tu zaanlei 1pm hrawngah Thantlang khua chungah ralhrang Kawl Ralkap le CDF-Thantlang an i kap.
“Kan ral minung 2 kan thah hna. Kanmah CDF-Thantlang lei cu hliam tongmi kan um lo,” tiah CDF-Thantlang nih thawngthanh.
![](https://thechinexpress.com/wp-content/uploads/2021/09/241660199_194367329465920_8598777193558401148_n.jpg)
Kawl Ralkap nih hriamnam ngan he, hme he an ruahnak in an duhnak paoh an kah thluahmah caah khuami inn tampi an khen rawk i mipi 4 hliam an tong.
![](https://thechinexpress.com/wp-content/uploads/2021/09/241638340_194365362799450_4044140198056815008_n.jpg)
“Inn 1 zong uico Kawl Ralkap pawl nih mei in an duah hrawh,” tiah CDF-Thantlang nih a thanh. An duahmi inn cu Biakinn sang, Thlanmual lam ah ummi asi.
![](https://thechinexpress.com/wp-content/uploads/2021/09/241430189_1384873108574115_4634511565329191832_n-1024x860.jpg)
“Ralhrang Kawl Ralkap nih Thantlang mipi an tlerhkhonh hna chung le zaanṭim khuamang ah khualtung cazin an koh hna chung paoh cu CDF-Thantlang nih an hram bongh tiangin kan doh peng hna lai,” tiah CDF-Thantlan nih ralrin a pek hna.