Chin state, Paletwa pengah aho si hngalh lomi hriamtlai phu pakhat nih sualnak ngei lo mipi 6 an thah hna pinah 1 fak piin an hliam, tiah CDF-Paletwa nih a chim.
“December 16 zaanlei 4pm hrawngah, Paletwa pengkulh, Sami peng, Sunikanawng khuate ah hmai huh buin a hung phanmi hriamtlai 5 nih khuami 4 le company rianṭuan 3 (dihlak 7) an tlaih hna.
“Khua leng ah an kalpi hna i chiakha taktak in an kah hna caah 6 an thi, 1 fak tiin hliam a tuar.
“Tantakmi chungkhar le hliam tongmi chungkhar nan dihlak CDF-Paletwa nih nan ngaihchiatnak kan in tuarpi hna.
“Hi an thil tuahmi hi mipi nih CDF-Paletwa an kan lunghrinh khawhmi asi.
“Hi bantukin mibu in meithal aa tlaih i sualnak ngei lo mipi a thlanglamhtu le mipi nuhrin covo a buartu pawl cu CDF-Paletwa nih kan hlathlai lai fak piin hma kan lak hna lai,” ati.
![](https://thechinexpress.com/wp-content/uploads/2021/12/CDF-Paletwa-708x1024.jpg)
Chin state cozah biachimtu hlun Salai Isaac Khen nih, “Hitin mipi 6 an thahmi hna cu ka tuksum in ka ngaihchia tuk hringhran.
“Ṭuanvo ngeitu upa pawl nih thil dik chuahter dingin kap ṭanh ngei lo tein felfai tein hlathlainak tuah uh,’ tiah a chim ve.