Chin miphun le ram caah a nunnak aa pemi CDF-Hakha ralkap Salai Van Biak Ling

Chinram Vengtu Ralkap (CDF) – Hakha chungtel Salai Van Biak Ling nih nizaan ah a dawtmi Chin miphun le ram caah a nunnak a pek.

May 16 zaanlei suimilaam 5:30pm in 8pm tiang uknak firtu ralkap le CDF-Hakha nih ralkap minung 6 an thah hna i 10 leng an hliam hna.

Ralkap nih RPG, 60mm miakpi ti bantukin in thazaang a hleihluat tukin an kah hna caah CDF-Hakha paralṭha Salai Van Biak Ling a nunnak liam hi si.

“Ram le miphun caah a nunnak a pek caah CDF nih upatnak kan pek. Tantakmi chungkhar an ngaihchiatnak kan hrawmpi hna,” tiah CDF nih a thanh.