CNA le a ṭanṭi Chin ralkap pawl nih uknak firtu Myanmar ralkap an kah cuahmah liopi asi. Myanmar ralkap meithal zun 4 an lak khawh cang.
Myanmar ralkap pawl cu Kalaymyo in Laitlang lei ah hmai nawr kho loin Hiangzing khua ah an i taap peng rih ko.
Tu zing 7:30am ah Kalay University ah hmunkhuarmi Myanmar ralkap nih a langpar in miakpi in Laitlang lei hehchet an kah.
![](https://thechinexpress.com/wp-content/uploads/2022/01/271885518_227675866227048_8123825657792752761_n.jpg)
Nizaan kahdohnak ah Myanmar ralkap ruak 2 an hmuh pinah meithal zun 1 an char chap. Chin ralkap nih ralhrang meithal zun 4 le kuan tam ngai an lak khawh cang.
Nizaan kahdohnak ah Chin ralkap nih an tei ngai hna caah ralhrang nih cunglei vanlawng tiangin a kah hna. Mah ruangah CNA ralkap senthum Sergeant Pum Tuan Thang a nunnak liam.
Chin ralkap hliamtongmi 6 cu a himnak hmun ah an kal phakpi hna i thlop cuahmah hna lio asi.
![](https://thechinexpress.com/wp-content/uploads/2022/01/271934693_227675909560377_3458759517814419727_n.jpg)
Taingen khua pawng kahdohnak ah a ṭangṭi mi Chin ralkap hna cu;
- CNA,
- PDF Zoland,
- CDM Siyin,
- Zogam Army,
- PDA le
- CNDF an si.
Zomi PDF le Kalay PDF zong nihin ah an hung phan cang i an dihlak in hmunkhat ah ralhrang Myanmar ralkap an doṭi lai.
Ref: PDF Zoland le Salai Thomas Lian — Photo Credit: Salai Thomas Lian