Zotung pengah uknak firtu Myanmar ralkap 3 kan thah hna, tiah CDF-Zotung nih a chim.
“Matupi khua in raltuk ah a rami Myanmar ralkap pawl cu January 23 zaanlei 2pm ah Zotung peng a simi Rezua khua ah an ra lut i CDF-Zotung le kan ṭanṭi Chin ralkap pawl he kan i kap.
“Myanmar ralkap 3 kan thah hna.
“Kanmah Chin ralkap lei in CDF-Matupi ralkap 1 a nunnak liam i CDF-Mara ralkap 1 hliam a tong.
“Kan hriamnam aa thlau tuk caah kan kirtak chung hna i kap hnih meithal thawng a dai.
“Myanmar ralkap nih zaanlei 3pm in January 24 zaanlei tiang Rezua khua chung i mipi umnak sang pawl le pawngkam khuate;
- Ruava khua
- Sawti khua le
- Hinthang khua pawl cu hriamnam ngan in voi tampi an kah.
“Khuate pawl hriamnam ngan in an kahmi hi sualnak ngei lo mipi thinphang dingin an in tlerhkhawnhmi hna le nan nunnak himlo dingin an in tuahmi hna asi,” ati.
