Chin state Vuancichoh Salai Lian Luai telhin Vuanci pawl cu an dihlak in ralkap nih Vuanci pawl umnak inn ah a hren hna i nizaan ah an inn cio ah an ttinter cang hna.
“Nizaan zaanlei sml 3:00pm hrawngah ttinnak nawl an pek hna i an dihlak in an ttin cang hna.
“Nizaan ah ralkap bawi pakhat a ra i ttin khawh nan ngah cang a ti hna. Vuancichoh le a dang Vuanci pawl cu an dihlak in anmah le inn cio ah an ttin cang hna,” tiah Chin state Zatlang Vuanci Pu Pau Lun Min Thang nih a chim.
Chin state Vuancichoh Salai Lian Luai cu Mandalay khua i an inn ah a kir cang.
Sipin Vuanci U Soe Htet tu cu Naypyitaw ah a ummi an inn ah a kir lio si ve tiah a chungkhat nih an chim.
February 1, 2021 ah ralkap nih uknak a chuh i Vuanci vialte an rian a phuah dih hna.
Mah pinah, Vuanci pawl cu vuanci inn chung ah an hren hna i ralkap nih luhchuahnak gate in an cawngh hna. – RFA
