Chin ramkulh, Falam pengah ralhrawng pawl rawl le hriamnam chan dingin a rami ralhrang motor 30 hrawng cu CNDF nih a kah i ralhrang 10 hrawng a thah hna.
February 24 ah ralhrang motor 30 cu Falam lei ah an ra.
Falam peng, Htinsusakhan khuate pawng an phak lio ah CNDF nih a kah hna i 10 hrawng a thah hna hi si. Hliam tongmi zong an tampi.
CNDF ralkap pawl cu hliam tongmi pakhat hmanh um lo tein kan i zukphiak kho, tiah CNDF nih a thanh.
Falam khua ah hmun khuarmi ralhrang pawl cu February 10 zong ahkhan ralhrang motor 23 in rawl le hriamnam an rak ngalh hna.
An rat lei le an kir lei ah CNDF nih kan kah hna i a thimi le hliam tongmi an um, tiah CNDF nih a chim.
