Falam peng hriamtlai phu Chin National Defense Force (CNDF) nih, “Fir, thil chuh le tlaihhrem a hmangmi Cung Ro Suam cu tuni ah kan thah,” tiah a chim.
1. Falam pengah sualnak phun tampi a tuahmi Cung Ro Suam cu November 8 ah a umnak khuami nih thawng an kan thanh i kan va tlaih.
2. Cung Ro Suam cu a umnak khua le pawngkam khua pawl ah thil fir, thil chuh le tlaihhrem a hman caah thong a tlami si nain uknak firtu ralhrang Kawl Ralkap nih an thlahmi asi.
3. An thlah hnu ah, Lai meithal le namte aa put i ahlan nakin chiakha deuh in mi inn ah a luhhnawh hna, thil a chuh hna, a firpiak hna, mi a tlaihhrem rih hna caah khuami nih CNDF sinah an report.
4. Hi bantukin sualnak phunphun tuah in mipi thilri le nunnak hrawktu asi caah ralhrang thlahmi Cung Ro Suam cu CNDF nih a sualnak kan hlat i a kong kan ceih hnu November 20 ah kan thah.
5. Hmailei zongah, Falam peng le Kalay-Kabaw pengah sualnak tuah le tlaihhrem a hmangmi paoh cu Chin Act Upadi ningin CNO/CNDF nih nan sualnak kan in ceih hna lai, ati.
