ISRAEL _ Iza Dubinovsky, kum 72 upa, chaklei Israel Karmiel khua, cu kan hnung zarh ah midang cio bang raikhamsi ai rak chunh ve.
Ai chunh hnu ni zeimawzat ah a hmai khatlei kha zeihmanh a thei kho lo (a zeng) ti a van theih ah a lau ngaingai tiah Mako cathanh nih a chim.
Sizung ah a va kal i, an zohpiak tikah COVID khamsi chunhnak in a chuakmi fahnak (side effect) a si ti kha an hngalh. A dam ko lai tiah ruah a si.
“Ka lungrethei ngai,” tiah Dubinovsky nih Channel 12 ah a chim. “Rawl ei le ti din ah a har tuk, hitin a um peng sual lai ka phaang,” a ti.
A hmai zennak a dam hlan tiang a ei awk si kha an pek. A voihnihnak raikhamsi chunh kha a ngamhset ti lo. Voihnih tiang i chunh a si.
Note: Mah bantuk thawng ruangah COVID raikhamsi hi a ttha lo, zumh awk a tlaak lo tinak si lo. Israel hi COVID raikhamsi chunh a rang bikmi an si caah anmah in cawn awk a tam bik lai.
ISRAEL 365 NEWS (January 4)
