NIGERIA _ Nigerian Human Right hruaitu Solomon nih, “Nun hi saram tluk lo ceo a si ko, a har tuk hringhran. Nu pum chungin na rak chuah kha nai ngaihchih lai. Luatnak lam hrim khi a um lo,” a ti.
“Kan hnunglei ah Egyptian pawl an um, kan hmaiah Rili Sen a um.”
Nigerian cozah nih Khrihfa hna cu COVID ruangah inn ah i erhkhumh dingin an fial hna. Erhkhumh in inn ah an um ko cun ralhrang an rat tikah luatnak an ngei lo.
“A hramthok ahcun hmun cheukhat lawng kha an kal nain atu cu hmunkip ah kal an i tim. Ralhrang an rat tikah an dumhau le lohmun ei awk vialte kha an hrawhpiak hna. Inn ah an i erh fawn tikah an caah nundam a har hringhran,” Solomon.
“Zanzankhat ah ralhrang nih an saduhthah vialte an hrawhpiak hna. Cozah nih le a khinhhramh fawn hna lo. Lothlo pawl kha an thah lengmang hna tikah lohmun kal zong an tih. Cozah nih rawl a pe fawn hna lo,” Solomon.
“Lungrethei vansang in thil fir, nu sinak zuar le ngakchia zuar lawng kha an ruah cang,” Solomon. “COVID nih lungrual in rian a kan ttuanter lai ti nalakah ralhrang tu kha a thawhter hna.”
Human Right hruaitu Solomon hmanh cu kan in thah lai an ti caah Christmas caan sunglawi vialte kha i thuhnak in a hman. Kan in thah lai an ti tikah ka tihnak nakin ka ngaihchiahnak a tam deuh a ti.
Solomon nih dawtnak le zawnruahnak in, vawleicung um Khrihfa vialte sin bawmh a hal. An kongkam hi ruahpiak in cawlcanghnak pakhatkhat maw, thilri in bawmhnak mawh an herh ko a ti.
THE CHRISTIAN POST
