MISSION _ COVID pulrai ruangah vawlei ah Bible pekchanh LE cawk-zuarh a hung kar ngaingai tiah Lifeway Christian Resources nih thanh.
Lifeway Christian Resources hi vawlei cungah Khrihfa kan biaknak he ai pehtlai cauk le Bible pekchanh ah a tthawng bikmi an si.
An director Carol Pipes nih CBN sinah pulrai a hung um thokin, US zongah, Bible zuarh a tam ngaingai tiah a chim.
Hi pulrai caan har ahhin Bible hi ruahchannak le damnak hmuhnak lam a si tiah Ben Mandrell, an executive officer, nih a ti.
“Mi hna nih Bible ah ruahchannak an ngei, aruang cu a chungah harnak lak i a kan bawmchantu Pathian kha an hmuh khawh, har caan ah kan kaltak hna lai lo ti biakamnak kha an hmuh,” a ti.
CBN NEWS
