November 8 thimnak ah Chin mipi nih kan thimmi Chin MP pawl nih Chin Hluttaw Aiawhtu Kawmiṭi (Committee Representing Chin Hluttaw – CRCH) an dirh i Hakha, Falam, Matupi, Mindat, tbk. pengkip ah Caankarlak Mipi Hruaitu Phu an dirh.
CRCH nih tuni ah, “Peng Mipi Hruaitu Phu kan dirh khawh cang,” tiin cathanh a chuah.
“Rampumpi Hluttaw Aiawhtu Kawmiṭi (CRPH) nih a kan fial bantukin Chin Hluttaw Aiawhtu Kawmiṭi (CRCH) nih pengkip ah Caankarlak Mipi Hruaitu Phu kan dirh thluahmah.
“2021 March 9 ah Chin state peng 9 lakah peng 8 ah Peng Mipi Hruaitu Phu kan dirh khawh cang,” ati.
CRPH nih Caankarlak Cozah (Interim Government) dirh in mipi he uknak firtu ralkap cozah doh a timh.
Cucaah rampumpi MP vialte cu nan “state le region cio ah Pengtlang Mipi Hruaitu Phu rak dirh cio uh” tiin a fial hna.
Phun dangin chim ahcun, Chin state MP pawl nih kan state ah Caankarlak Cozah an dirh cang ti khawh asi.
