India for Myanmar timi cawlcangh nak cu Mizoram le Manipur hnu ah Delhi zong ah kan peh zulh.
Nihin a bik in kan kal nak hna cu Delhi University North Campus, Lady Sriram College, Conneaut Place, India Gate, Nehru Place hna an si.
Lady Shriram College le Nehru Place Market pi ah ka kal ve.
Nihin Nehru place cu voidang bang in minung an tam taktak. Cu mibu lak ahcun kan dir i kan konglam tawifiang langhter nak Phamplet kan phawt hna. Ceukhat cu an interest ngai i an kan rat hnawh, fiang deuh in kan chimhchap hna
Kan mah phu lawng nih catlap thongkhat kan i ken i kan phawt dih hna.
Catlap Phamplet hi thong 4 print kan tuah. Phukhat ah thongkhat cio kan i ken.
Nihin a India minung a tlawmbik milu thong 3500 sin ah kan catlap kan phak ter, an kut cung ah kan pek hna..
India mipi nih kan dir pi uh. Nan Pu Modi nih Ralhrang a bawmh mi a ngol nak ding ah kan au piak uh tiah tuni tiang kan konglam update tawi he chimphuan a si.
Caṭialtu: Salai Cung Dawt
