NUG cozah biachimtu Dr Sasa cu Al Jazeera media nih interview a tuah i ,”Kawl Ralkap nih Chin state khuate ah bomb an hmenh,” tiah a chim.
Ramdang nih uknak firtu lainawng ralkap cozah cung ahhin atanglei phun 4 hi a rannak in an tuah zokzok a herh:
1. Ralkap cozah hi a fak bikin sipuaizi phit hna sehlaw tangka ngei loin chia hna seh, cun ramkhel pehtlaihnak zong chat hna seh.
2. Ralkap nih tuksapur in mipi thahnawnnak caah a hmanmi hriamnam, vanlawng datsi, kuan, vawlei hmenhmi bomb le mortar hi phit hna sehlaw ngei ti loin chia hna seh.
3. NUG cozah hi kan cohlang hna sehlaw uknak firtu ralkap hi hnong hna seh, NUG cozah le Myanmar ram federal democracy ngahnak caah aa zuammi pawl hi a herhmi paoh kan bawm hna seh.
4. Ralkap hlawknak a simi le SAC nih an ukmi bu le company pawl hi ramdang nih bawmhnak phit hna sehlaw, mipi sin tu ah bawmhnak phakter hna seh. Hitin an tuah ahcun, kan ram mipi kan i lungrual cuahmahmi hi an ṭhawn ter chinchin lai, ati.
