Dr. Sasa nih, “thi dor 1 a tlak fatin Min Aung Hlaing le a tapeh pawl tuahsernak asi, ICJ ah taza kan cuai hna lai,” tiah DVB tadinca ah a chim.
“Min Aung Hlaing le a tapeh pawl hi vawlei biaceihzung sangbik (International Court of Justice – ICJ) nih Myanmar tazacuaimi ahkhan kan telh hna lai. Mah case kha a dih rih lo.
“Kan nu Daw Suu nih a zaangfah tuk hna caah a khamh hna ruangah ramdangah amah tu a minchia i a limhang zor dih.
“Ralkap caah thil ṭha ka tuah ahcun ram caah thil ṭha an tuah ve lai tiin a zumh caah ICJ ah a khamhmi hna si.
“Mah hmanh cu ralkap nih an fiang kho lo. I fian khawhnak thluak zong an ngei lo. Mah ruang cun, ICJ hman ṭhan dingin ramdang upadi thiamsang pawl zong kan hlan cang hna. Ramdang upadi thiamsang kan hlan cang hna. Anmah nih ICJ tiang an phakpi lai.
“Atu ralkap nih mipi an thahmi hna hi; thi dor 1 a tlak fatin, inn 1 an hrawh fatin, minung pakhatkhat an hliam fatin mipi nih tatte he ka email sasa@crphmyanmar.org ah ka kua uh.
“Nan ka kuatmi pawl cu ICJ le International Criminal Court (ICC) sihni pawl sinah kan kuat lai. Ramdang Upadi Company pawl kan hlan hna. Oxford University i upadi chimtu pawl, University of Cambridge i upadi chimtu pawl, cun America ram i Harvard University ah upadi chimtu pawl zong kan theihhngalh an tampi.
“Uknak firtu ralkap nih mipi an tukvelhmi hna hi zeitik hmanh ah kan i in lai lo. Zei tik hmanh ah hnulei kan i thawn lai lo,” ati
