20.2 C
Hakha
Sunday, May 9, 2021
- Advertisement -

Ṭial Tharmi

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat.

April 24 ah ASEAN nih Myanmar kong Lakhruak Meeting tuah nan timh tiah kan theih. Myanmar kong ceihnak ahcun Myanmar mipi kan i tel ve awk asi. Myanmar mipi aiawhtu kan si bang, mah meeting ahhin i tel ve dingin timhcia kan si. Myanmar buainak daihter dingin le democracy ngahter ṭhan dingin kan innpa ASEAN ram pawl he bia i ruah dingin timhcia kan si.

Phungninglo ralkap cozah hruaitu pawl nih atanglei langhtermi hi an tlinh lawngah ASEAN nih meeting nan kaiter awk asi tiah kan ruah:

(1) Ram mipi thah ngol sehlaw mipi harnak pek ngol seh. Uknak firtu ralkap cozah nih rammi 740 leng a thah cang hna, a thahmi ni fatin an karh peng.

(2) Sang le veng ah timh ciammaam tein thahnawnnak a tuahmi hi ngol sehlaw duhpaoh in mipi inn a kahmi hi ngol seh, mah ruangah nu le ngakchia le pumtlamtlinglo telh in rammi tam tuk an thi cang.

(3) Kachin, Karen le hmun dangdang ah vanlawng in bomb thlak le miakpi in kah ngol seh, mah ruangah mipi tamtuk an thi cang i mipi thongsawm tampi umnak ngei loin an vai cang.

(4) Hliam tong pawl sii thlop a sianh hna lomi hi ngol seh. Cun,

  • Rampumpi ah sizung, sianginn le college ah ralkap pawl a chiahmi hna hi la dih hna seh
  • Sii thloptu pawl a tlaihmi hna le tukvelhmi hna hi ngol seh
  • Sii thloptu pawl hliam tong sin kal kho loin a khammi hna hi ngol seh
  • Minung nih kan nu paw chungin kan chuah pimi covo a simi kan lungum zalong tein langhternak nawl hmangin CDM a tuahmi le an chungkhar pawl a tlaihmi hna, tukvelh hremmi hna le a tlerhmi hna hi ngol seh.
  • Mipi nih democracy phungning tein thimmi hruaitu pawl le an chungkhar pawl a tlaihmi hna, hremmi hna le a tlerhmi hna hi ngol seh.

(5) Uknak a fir hnu in ramkhel ruangah a tlaih thongthlakmi 3,000 leng hi thlah dih hna seh. Nuhrin covo a simi lungduh zalong tein langhtertu pawl tlaih ngol seh.

Ralkap nih kan sang le mipi tuksapur in a hrawh peng. Mah ruangah hartongmi pawl a rannak bawmh an hauh caah ASEAN bawmhnak kan herh. Uknak firtu SAC ruangah inn a zaamtakmi rampumpi hartong pawl hi zaangfahnak tein bawmhnak pe hna uh.

World Food Program nih, Myanmar ram buainak ni khat hnu ni khat a zual chin lengmang caah tu hnu thla tlawmpal ahcun minung million tampi rawl ei awk an ngei ti lai lo ati. Ramdang ah a zammi pawl zong zaangfahnak tein bawmhnak pe hna uh. Bawmhnak cu Myanmar mipi sin phakter dingin NUG cozah nih kan in bawmh khawh hna lai. Hartong kan mipi nan bawmh khawh hna nakhnga bawmh dingin timhcia kan si.

Ralkap nih mipi a thahnawnmi le uknak a firmi donghternak caah ASEAN nih ralkap cozah hi harnak kan pek piak uh. Mipi thahnawnnak caah an herhmi an thazaang hrampi phih kan bawm uh. An tangka hmuhnak a simi sipuaizi tuah ngol uh, an sinah hriamnam zuar ngol ulaw an tuhmi theipar ramdang biaceihzung ah zunter kan timhmi hna hi kan bawm uh.

- Advertisement -

Ṭial Tharmi

Chinmi lakah ‘Stanford University’ a kai kho hmasa cemmi Biak Tha Hlawn – Lawmhpi cio hna usih

Biak Tha Hlawn cu Chinmi nih an kai khawh bal lomi vawlei cung university ṭha bik 2nak Stanford University nih a cohlan pinah scholarship...

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...
- Advertisement -

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -