Thang Lian cu US university ṭha bik 12 lakah aa tel vemi Duke University ah kai dingin full scholarship a ngah.
Thang Lian cu Michigan state, Kentwood khuapi um East Kentwood High School ah a kaimi si i Michigan Chin Baptist Church (MCBC) khrihfabu mino asi.
MCBC khrihfabu nih, “Kan mino chungtel a simi A Thang cu kan Chin miphun lakah Duke University ah full scholarship in kai kho dingin Bawipa nih thluachuah a kan pek. Kan i lawm taktak!,” tiah lawmhpinak a chim.
Thang Lian nih, “Pakhatnak bikah, thluachuah aa ka petu Pathian chungah ka lawm.
“Pahnihnak ah; ka lungthlitum phak khawhnak caah aa ka bawmtu ka chungkhar, hawikom le saya/ma te nan dihlak cungah ka lawm tuk. Kan dawt tuk hna,” tiah aa lawmhnak a chim.
Thang Lian cu Hakha ah a chuakmi si. Kum 5 hrawng asi lio ah an chungkhar ningin tanglam in Malaysia an ra. Kum 2008 ah US ram, Michigan state an phan.
Bawipa nih hmailei sianginn a kainak lamthluan ah umpi sehlaw, kan ram le miphun caah thluachuah chin ko seh!
