Myanmar Idol season 4 winner ngahtu Esther Dawt Chin Sung nih JOOX’s 2020 Popular Song Award a hmuh caah lawmhpi cio hna usih.
JOOX’s 2020 Popular Song Award a hmuhnak hi avoi khatnak bik aa chuahmi ‘Unseen’ hla a si.
Mah kongah Esther nih, “Avoi khatnak bik kaa chuahmi Unseen hla a ngai i tha a ka petu ramchung, ramleng um mipi nan dihlak cungah kaa lawm.
“A hlei in, ka pawng ah a ka umpi pengmi Pathian pekmi ka fan (WhiteNubes chungkhar) cung ah kaa lawm tuk hringhran.
“Pathian nih nun caan a ka hlenh chung paoh cu ka zuammi hlasak hi ka ttangah i kuh in ka peh zulh rih ko lai,” tiah a Facebook cahmai ah a ttial.
JOOX nih kum 2020 chungah a larbikmi hla laksawng a pekmi hna lakah Benjamin Sum, Phyo Myat Aung, Phyu Phyu Kyaw Thein le a dang hlasa pawl zong an i tel hna.
JOOX’s 2020 Popular Song Award ca cu mipi vote thlak in a thim hna i vote tambik a ngahtu hla 10 cu sui tazeih tlang a pek hna.
Cu caah, Esther zong ‘Unseen’ hla in sui tazeih tlang a ngah venak hi a si.
