Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam.
A ruak cu sizung ah zaan 1 a riah hnu tu zingka suimilaam 8 ah zaanghleicawi pawl nih thlanhmun ah an vui cang.
Falam Sizung OPD nih June 21 ah COVID-19 zawtnak ngei 15 a hmuh hna. Nizaan June 22 ah 6 a hmuh chap hna. June thla chung lawngah Falam ah COVID-19 mizaw 129 an hmuh cang hna.
Tuni June 23 hi Falam Sizung ah zohkhenhmi COVID-19 mizaw 71 an um lio asi.
COVID-19 ruangah Falam peng chungah June 2 in nizaan tiangah minung 9 an thi cang, a thimi pawl cu:
- June 2 ah Pi Zing Rem Thluai, kum 53
- June 12 ah Rev. Piang Bik (Ramthlo – kum 51) le Pi Khawfeli (Rihkhawdar – kum 81)
- June 13 ah Pu Sui Ceu, kum 67
- June 16 ah Mai Lal Muan Kim, kum 27
- June 18 ah Pi Za Nawn Kai, kum 79
- June 19 ah Pastor Thang Hre Mang, kum 33
- June 21 ah Pi Lun Khaw Niang, kum 76
- June 22 ah Salai Lal Than Eng, kum 25 pawl an si.
Falam khua chungah minung 7 an thi cang i Falam peng chungah minung 2 a thi cang.
Ref: Chinland Herald Daily News
