Chin Community of USA nih Falam inn kaang caah GofundMe in bawmhnak a halpiak hna i na sian tawk kut samh ve dingin kan in sawm. Atu tiangah $9,687 an pek cang.
January 12, dei hlan sml 3:30am hrawng ah Falam khua lansone kam ah inn 6 a kaang. Nu 2 nunnak a liam.
Ngaihchiatnak tongmi chungkhar Pathian nih hnem ko hna seh.
Coka electric rawl chuannak a linh tuk ruang ah mei kangh aa thokmi a si.
Chin state Vuanci choh Pu Salai Lian Luai, Zatlang Vuanci Pu Pau Lun Min Thang le cozah rianttuan pawl nih mei kanghnak hmun cu an va zoh.
Cun, mei kaang ruangah harsat tongmi chungkhar 14 caah Chin state cozah nih rawl ei awk le innsaknak thilri a bawmh hna.
A kaangmi inn 6 hna cu ;
- Pu Kiam Si inn
- Pu Zaw Tun inn
- Pi Mang Hlei Zing inn
- Nu Pen inn
- Pu Biak Vum
- Sm Thiam te inn pawl an si.
Cun, Pu Tawi inn, Pu Khaw Lian Pum dawr le u Ciin inn zong an kang sual lai tiin an ttheh hna.
Mei cu khua deika 5:30am hrawng ah meithat le khuami i bawm in an thah khawh.
