January 13 ah Falam khua i inn kangh tuarmi chungkhar 14 caah tangka le dinei awk bawmhnak an pek hna.
Tangka fang in Kyats ting 29 le dineiawk hna an si.
Tangka in bawmhnak a pemi hna;
- Chin state Vuancichoh Pu Salai Lian Luai te chungkhar (ting 5)
- Pu Sony le Pu Thawng Kio (ting 15)
- Vuanci Sui Thio (ting 2)
- Vuanci Pu Pau Lun Min Thang (ting 2)
- Sayinsit Pu Lal Tin Mang (ting 2)
- State electric lutlai (ting 2)
- Falam Buddhist bu (ting 1) hna an si.
Cun, ချူးရင့် စားသောက်ကုန်နဲ့ အထွေထွေရောင်းဝယ်ရေး၊ ထွန်းဂရု ကုန်စည်ထောက်ပံ့ရေးနှင့် သယ်ယူပို့ဆောင်ရေး chungkhar nih facang (tun 14), chiti (pung 14), puan (zun 14), arti (pum 1,400) a hlut hna.
Cu pinah, GCO (Global Chin (Falam) Organization) sin in nihin tiang ah bawmhnak pekmi hi Kyats 4,650,000 a si cang.
Online zong in inn kangh tuarmi chungkhar hna caah ramchung le ramleng ummi Chinmi nih bawmhnak an kawlpiak hna.
January 11, dei hlan sml 3:30am hrawng ah Falam khua lansone kam ah inn 6 a kaang i a dang inn 3 zong an theh. Cun, mei kaang ruangah minung 2 nunnak zong a liam.
Ngaihchiat tongmi chungkhar le inn kangh tuarmi chungkhar hna Pathian nih hnem ko hna seh.
