Tuzaan muika 6:30pm ah Hakha khuami CDF nih Hakha khua Cawbuk Gate ah ummi uknak firtu Myanmar ralkap an kah hna i 4 an thah hna, tiah kan theih.
CDF ṭuanvo ngeitu pakhat nih, “Cawbuk Gate hi Matupi lei in a hung lutmi ralkap gate asi. Mah gate ahcun ralkap 7 an um.
“Mah gate ah ummi ralkap 7 cu CDF nih kan kah hna. Ralkap 4 fak piin hliam an tuar. Pakhat cu a hmun ah a thi colh. Adang 3 zong an thi hrimhrim lai, an thi ti khawh si ko.
“Kanmah lei cu atutiang hohmanh hliam tongmi kan um rih lo,” tiah a chim.
![](https://thechinexpress.com/wp-content/uploads/2021/05/ralkap-4-an-thi.jpg)
6:30pm in kahnak aa thok i suimilaam 3 chung hrawng an i kap. Atu cu an ngol cang.
Hakha khuami hna Cawbuk Gate lei kal rih hlah uh, tiin CDF Hakha nih mipi ralrin a pek hna.