Hakha khua, vuanci inn pawl umnak hmun (vuanci ingyar) kiangkap ah tu zaan suimilaam 7:30pm ah ralkap le ralkap an i kap i ralkap minung 3 an thi, tiah Hakha hrambunh DVC nih a thanh.
Hakha Vuanci Ingyar kiangkap ah April 23 zaan suimilaam 7:30 tluk ah ralkap le ralkap an i kap i ralkap minung 3 an thi.
Hi kong he pehtlai in a kiangkap um mi pakhat nih, “An meithal thawng hi lai meithal thawng a si lo. A hmasa kan thawng kan theih ning ah midang he an i kap tiah kan theih nain si dawh a si lo. Ralkap meithal thawng a si,” tiah DVC ah a chim.
“Anmah le anmah kha minung i palh in an i Kap sual lai tiah ruahdamh a si. Thawngpang fiang in kan hal cuahmah lio hna. Atutiang kan theih ning ahcun ralkap minung 3 an thi,” tiah a chimchap.
Hakha Ralkap le Palek cu zaan suimilam 8:00 hrawng ah minung 30 tluk Cozah Zung hmai ah an um i khuachung le khua kiangkap ah checkhlatnak tuah an timh tiah thawng kan theih.
Biakilh: Thawngpang fiang kan hlat cuahmah. Tlamtling deuh in thanh khawh kan i zuam lai.
Credit: Democratic Voice of Chin (DVC)
Anmah ralkap le ralkap kar asi ko caah mipi thinphan awk um leem lo.
