Hakha khua aiawh in avoi 1nk bik Miss Universe ka ngah caah kaa lunghmuih tuk. Keimah cu Yangon khuami ka si nain Chin state a aiawhmi ka si caah ka rian ngan khun tiah 2020 Miss Universe Myanmar ngahtu Thuzar Wint Lwin nih a chim.
Thuzar Wint Lwin: Mi tampi nih thazaang an ka pek, winner ka si hnu zong thapetu an tam chin. Ka tha tlung tuk.
A ruang cu Myanmar ram aiawh in ramdang ah aa va zuam ding ka si tikah mi tampi thazaang peknak ka herh. Cun, atu hi tampi timhtuahnak ka ngei.
![](https://thechinexpress.com/wp-content/uploads/2021/01/Thuzar-Wint-Lwin-1-683x1024.jpg)
Yangon khuami ka si ko nain City director nih Hakha khua aiawh in a ka zuamtermi a si.
Chin state aiawh in aa zuammi ka si caah ka rian ngan khun tiah ka ruah. Nain, Miss Universe Myanmar timi teinak laksawng pi ka ngah tik ahhin Hakha khua ka cawisan bantuk a si ve caah kaa lawm tuk.
![](https://thechinexpress.com/wp-content/uploads/2021/01/117185599_146192643794314_931143170678748435_o-663x1024.jpg)
Miss pakhat ka si caah daithlan awk ka ttha lo. Biachim, holhrel le um tthut kaa ralring tuk.
Zuamnak ah a rak i telmi vialte nih Miss Universe Myanmar ngah ruah ah i zuam cio si bang kei zong hmasa tein mah cu kaa tinhmi si ko.