Hmunkhuar dingin ralkap motor pawl he a rak phanmi ralkap pawl cu KNU nih ramri ah a kham hna caah an kir tthan.
Ralkap motor 8 (ralkap milu 100 hrawng) cu March 17 zaan ah Kayin state, Laykekaw khuate ah hmunkhuar dingin an rat lio ah KNU nih a kham hna.
Ralkap pawl cu Myawaddy khua thlanglei Laykekaw khuathar hmun chung an phak lio ah KNU ralkapbu 6nk nih kan vawlei ah luh kan in sian hna lo tiin an kham hna.
Ralkap le KNU cu biatak tuk in an orh caah a donghnak ahcun ralkap pawl cu Myawaddy khua lei ah an kir tthan.
A kirmi ralkap pawl cu Myawaddy peng ah a ummi Me Htaw
Tha Lay khuate lam pawng le Sinphyukung phungki sianginn pawl ah hmun an khuar i aa chawkletmi khuami pawl cu March 18 ah bia an hal hna.
Cucaah, Waw lay, Htee May Wa Khee, Laykekaw le Hparlu khuate lei in Karen khuami pawl cu Myawaddy lei ah zatlang, ngandamnak le thilcawk kal ah harsatnak an tong.
“Zaan ah ralkap motor 8 cu Laykekaw khuathar lei ah an rak lut. Hika cu Karen ralkap an umnak hmun a si tikah ralkap luh an sian hna lo.
“Cucu, ralkap nih kan lut lai i hmur kan khuar lai an ti hna. KNU nih biatak tein an kham hna. Atu cu KNU ralkap thazaang a ttawn ngai cang ruangah ralkap pawl cu Sinphyukung lei ah an kir.
“Ralkap pawl cu Myawaddy lei kalnak lam ah hmun an khuar i khika lei kal a timmi khuami pawl cu bia an hal hna, an phone an checkpiak hna.
“Khuami pawl cu ralkap le KNU an i kap sual lai ti an phang tuk. Laykekaw hmun chung ah a ummi KNU cu raltu dingin aa tim dih cang,” tiah khuami pakhat nih a chim. – AkonThi
