Myanmar ralkap nih mipi uknak chuh ruangah dornak Kawl in India ram a hung zaammi Myanmar rammi cu ka cohlan hna lai i ka zohkhenh hna lai, tiah India cozah nih a chim.
Mizoram state nih ralkap uknak ruangah a zaammi Myanmar ralzaam pawl cu dornak a pek ko hna nain, Lawngtlai le Champhai district nih cun “rampi cozaah nih a duh lo caah kan cohlang hna lo” tiin thawng an rak thanh.

Sinain, Mizoram hruaitu Vuancichoh Pu Zoramthanga nih tuni March 10 ah rampi cozah phone a chawnh i thil sining a chimh hnu ah Ramchung Vuanci Pu Amit Shah nih, “Mizoram a rak phanmi pawl cu bawm rih ko hna uh, khirh hna hlah uh,” ati.
Mizoram mipi zong nih “Myanmar ramkhel boruak kongah mipi kan in dirpi hna, rampi cozah nih zeizei ati zongah kan si khawh chungin kan in bawmh hna lai,” an ti.

Myanmar ram nichuahlei um Thailand zong nih “a hung zammi Myanmar ralzaam pawl ka ka zohkhenh hna lai” tiin ramri khua tampi ah ‘ralzaam umnak (refugee camp)‘ tampi a timhtuah cang.