November 25, 2021

Kawl Ralkap nih nizan ah Thantlang biakinn 1 telh in inn 49 an khangh, inn 250 leng an khangh cang

Uknak firtu Kawl Ralkap nih nizan November 24 chun hnu 2pm hrawngah Thantlang khua an khangh ahkhan biakinn 1 telh in inn 49 bak a kaang.

Biakinn an khanghmi cu Thantlang Centenary Baptist Church (TCBC) asi.

An khanghmi pawl cu Zunghmun Sang ah inn 36, palik sakhan hnulei inn 10 le Saihpiozi Sang inn 3 (dihlak inn 49) asi.

Tuni November 25 zaanlei tiang thawngpang kan theih khawh tawk ah, mei cu a dai cang nain meikhu a um peng rih.

September 9 in nihin tiang ah Thantlang khua biakinn 3 telh in inn 254 an khangh cang.

October 29 zongah inn 164 an khangh cang.

Nizan Thantlang an duahmi cu meng 20 hrawng a hlatnak Mizoram zongin a lang – Hmanthlak ngeitu: Chin Chin Thantlang (Mizoram)

Hmasa thawngpang

Malaysia ah Laipa a tlau

Hnu thawngpang

CDF-Zophei caah ramkip um Zophei tefa nih ting thong 17 (1.7 billion kyats) leng an thawh

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.