Myanmar mintami minthang Khine Thin Kyi te chungkhar nih Myanmar ram caah Covid-19 raikhamsi (vaccine) cawknak ah tiin tangka Kyats ting 200 an hlut.
“Covid-19 vaccine caah ka nulepa nih Kyats ting 100 le kanmah chungkhar nih Kyats ting 100 kan hlut. Kan ram le vawlei pi ah Covid-19 zawtnak tlau zau hram seh” tiin Khine Thin Kyi nih a Facebook cahmai ah a ttial.
Khine Thin Kyi: Facebook ka zoh lio ah Covid-19 kakuaisii (vaccine) a chuak cang timi thawngpang ka hmuh i kaa nuam tuk.
Kum thar zong a si tikah ka pa he vaccine cawknak ah tangka hlut kan duh tuk i kan hlutnak hi a si.
Covid-19 zawtnak cu tihnung tuk.
![](https://thechinexpress.com/wp-content/uploads/2021/01/Khine-Thin-Kyi-768x1024.jpg)
Covid-19 zawtnak ruangah sipuazi, zatlang, biaknak le a kenkip in harsatnak kan tong.
Covid-19 vaccine chunh hnu ahcun zawtnak i chawnh zong um ti lai lo i zalong le hnangam tein umkal khawh si cang hnga. Covid-19 ruangah thih le harsat ton zong um ti lai lo.
Minung kan nunnak ah ngandamnak hi a biapibik a si. Zeitluk hmanh in minthang le mirum si ko hmanh ning law ngandam lo ahcun mah pawl cu sullam ngei lo an si dih ko.
![](https://thechinexpress.com/wp-content/uploads/2021/01/Khin-Thin-Kyi-family-768x1024.jpg)
Atu tangka kan hlutmi zong hi mi harsa deuh caah a si. A ruang cu tangka ngeimi cu anmah tein an i chun kho ko.
Cu ruangah, ramchung mirum tampi nih Covid-19 vaccine caah tangka tampi an hlut hna. Kan nih zong kan ti khawh tawkte kan hlutmi khi a si.