AMERICA _ Atlanta i George state capitol (Congress inn-pi), Zarhte, ah minung za tampi hna cu i pum Pathian sinah bawmhnak an hal.
Joshua le a mile nih Jericho voi 7 an heel bang khan congress inn-pi cu voi 7 bak an heel ve. A ra laimi ah Senate thimnak a um lai. Mah ni ah hin America hruaitu ding ai fiang lai.
Republican Senators David Perdue le Kelly Loeffler nih Democrats Jon Ossoff le Raphael Warnock January 5 ah an tei lo bak a si cun kan ram cu Democratic Party hruainak in a kal cang lai ti si.
An lam zawh lioah an sak-chimmi cu: “Lamsertu, Khuaruahhar Tuahtu, Biakam Tlintertu, Muihnak lak i Ceunak_ka Pathian, mah cu na sinak a si.” “Pathian nih America thluachuah ko seh.”
“Hi thlacamnak hi hung hruai hraam ko, pathian dang hrim kan bia lo. Nangmah kan in zulh, van raalkaap hna Pathian Bawipa.”
State Rep. Matthew Gambill thlacam ko hi, “Pathian, thil a cangmi vialte hi kan theihthiam loh caan tam hmanhseh, kan lakah rian na ttuan ko. Kaltaak in na kan hlaw lo ti kan theih. State ca hi phunghram sertu le hruaitu kan thimnak ahhin fimnak le hngalhthiamnak kan pe hraam.”
A fanu Mary Harris nih a hung cam ve, “Dawtu Jesuh, hi ram ca atu thla ka cam. Atu hi a har tukmi caan ah kan kal lio si. Na lamhruainak le dirkamhnak kan herh ko. Nangmah lo cun hi caan ah kan ram hi a si thiam lo. Kan ram ah daihnak le damnak tlunter ko sawh.”
Biakilh : American hruainak nge-thum ngei ah Legislative (Senate-Congress) hi a biapi taktak. Mi cheukhat lebang nih cun lu pathum an ngeihmi ah hin a biapi bik ti si. Tlukruangte le lu khat kha a porluan lo naklai thumkomh an sinak si nan.
CBN NEWS
