Karen miphun hriamtlai phu KNU/KNLA ralkap phu Brigade 5th nih an ukmi hmun ah September 1 in 15 tiang, ni 15 chung KNLA le Kawl Ralkap voi 122 ral an tho i Kawl Ralkap bawi buhmu pakhat telh in 70 an thah hna pinah, 91 an hliam hna.
Anmah KNLA/KNU ralkap 2 an thi ve i 5 hliam an tong ve.
KNLA ralkap phu brigade 5th le 3th ramri ah a ummi SAC ramri hngak ralkap pawl zong an kah.
SAC ralkap rawl a phurtu rang 10 zong an kah thah hna.
Ralhrang SAC ralkap pawl nih hriamnam ngan in voi 110 leng an kah hna caah Karen khuami inn 5 an rawk.
SAC ralkap nih an hmenhmi vawlei bomb i lamh sual ruangah khuami 1 hliam a tong.
Ref: Khit Thit Media
